Qazaqstandyq jas tennısshiler Óskemende ótken halyqaralyq týrnırdiń jeńimpazy atandy
NUR-SULTAN. QazAqparat - Qazaqstandyq jas tennısshiler Óskemende ótken ITF Juniors J3 «Kazzinc Open» týrnıriniń jeńimpazy atandy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq qyzdar jekeleı jáne juptyq synda da úzdik shyqty.
Jekeleı synda fınalda Sandýǵash Kenjebaeva men reseılik Elızaveta Masnaıa bas júldeni sarapqa saldy.
Jarys barysynda Masnaıa qazaqstandyqtar apaly-sińlili Arystanbekovalardy jáne Arýjan Saǵyndyqovany joldan taıdyrǵan bolatyn. Ásirese, 3 saǵat 11 mınýtqa sozylǵan jartylaı fınaldyq matchta Arýjan Arystanbekovany jeńgen edi. Al Kenjebaeva jartylaı fınalda otandasy Dana Baıdáýletpen 2 saǵat 41 mınýt oınady.
Degenmen sońǵy básekede S.Kenjebaeva E.Masnaıadan 6:3, 6:4 esebimen basym túsip, chempıondyq ataqty jeńip aldy.
Juptyq synda fınalda qazaqstandyq tennısshiler ózara myqtyny anyqtady. Osy dodanyń birinshi raketkalary Arýjan Saǵyndyqova men Dana Baıdáýlet Ásem Shoıbek pen Stefanııa Shalahovany 6:1, 6:1 esebimen tize búktirdi.
Eske sala keteıik, budan buryn Aleksandr Nedovesovtiń Slovakııadaǵy týrnırdiń fınalyna shyqqanyn jazǵan bolatynbyz.
