Qazaqstandyq jas tennısshiler halyqaralyq týrnırlerdiń chempıony atandy
NUR-SULTAN. QazAqparat – Qazaqstandyq jas tennısshiler ITF jáne Tennis Europe serııasy boıynsha ótken týrnırlerdiń jeńimpazy atandy, dep habarlaıdy QazAqparat tilshisi.
Qazaqstan tennıs federatsııasynan málim etkendeı, Sholpan-Atada (Qyrǵyzstan) 18 jasqa deıingiler arasynda tórtinshi sanattaǵy ITF jarysynda Erasyl Erdilda úzdik shyqty.
Erasyl jekeleı syn fınalynda ırandyq Kasr Rahmanıdi utty. Esep 3:0 bolyp, qazaqstandyq tennısshi jeńip jatqan sátte Rahmanı matchty jalǵastyrýdan bas tartty.
Juptyq synda qyzdar arasynda Ádemi Amankeldi qyrǵyzstandyq Vladıslava Andreevskaıamen birge fınalda reseılikter Krıstına Belkova - Ksenııa Krýpenınany utty – 6:4, 6:2.
Robert Kamınskıı óz jankúıerlerin qýantyp keledi. Ol Germanııanyń Koblents qalasynda 12 jasqa deıingiler arasynda birinshi sanattaǵy Tennis Europe dodasynda kezekti tıtýlyn jeńip aldy. Robert fınalda Iran eliniń jas juldyzy Kırash Sadıjzadeni tize búktirdi – 6:3, 6:2. Osylaısha, almatylyq túlek sońǵy eki aptada ekinshi jeńisine qol jetkizdi.
Koblentste taǵy bir qazaqstandyq Tursaıd Dárken juptyq synda fınalıst atandy. Zara Dárkenniń kishi inisi ırandyq K. Sadıjzademen birge sońǵy básekede germanııalyqtar Lıan Bınert - Maks Gombekke ese jiberdi – 3:6, 6:4, 1:10.
Chernogorııada ekinshi sanattaǵy osyndaı týrnırde 11 jasar ıAsmın Dúısembaeva jartylaı fınalǵa deıin jetip, rýmynııalyq ıAsın Stroege jol berdi – 6:3, 3:6, 8:10.
Qazaqstandyq jasóspirimder, sondaı-aq AQSh ashyq chempıonatyna daıyndyǵyn tııanaqtaý ústinde. Bıyl jasóspirimder arasynda AQSh ashyq chempıonatynyń irikteý saıystarynda Maksım Batıýtenko, Arýjan Saǵyndyqova jáne Sandýǵash Kenjebaeva el namysyn qorǵaıdy.
Vashıngton qalasynda birinshi sanattaǵy ITF Juniors jarysynda Dana Baıdáýlet tarıhı tabysqa qol jetkizdi. Ekinshi aınalymda Dana óz jasyndaǵylar arasynda dúnıejúzilik reıtıngide 37-orynda turǵan japonııalyq Saıakı Ishımen Amerıka jasóspirimder dodalarynyń tarıhynda eń uzaq matchty ótkizdi. D. Baıdáýlet 4 saǵat 52 mınýtqa sozylǵan kezdesýde qarsylasyn 7:6 (7:3) 6:7 (5:7) 7:6 (7:4) esebimen jeńdi.
Eske sala keteıik, budan buryn Anna Danılınanyń AQSh-taǵy jarystyń fınalynda utylyp qalǵanyn jazǵan bolatynbyz.
AQSh ashyq chempıonatynda Qazaqstan namysyn qorǵaıtyn tennısshilerdiń kim ekendigi anyqtaldy.
Sondaı-aq, qazaqstandyq tennısshilerdiń álemdik reıtıngidegi orny belgili boldy.
Foto: ktf.kz
