Qazaqstandyq jas tennısshiler halyqaralyq týrnırlerde úzdik shyqty
ASTANA. QazAqparat – Qazaqstandyq jas tennısshiler halyqaralyq týrnırlerde úzdik shyqty, dep habarlaıdy QazAqparat tilshisi.
Qazaqstan tennıs federatsııasynan málim etkendeı, Ispanııanyń Santa-Ponsa qalasynda 12 jasqa deıingiler arasynda Tennis Europe serııasy boıynsha ótken birinshi sanattaǵy jarysta Naılıa Baımahanova jekeleı synda fınalda ǵana reseılik Sofıa ıAkýhınaǵa ese jiberdi.
Grekııada ekinshi sanattaǵy osyndaı dodada Jantóre Sanjaruly juptyq synda chempıon atandy. Ol namıbııalyq Israel Dovemen birge sońǵy básekede grekııalyq jupty 6:2, 6:0 esebimen oısyrata utty. Jekeleı synda Jantóre jartylaı fınalǵa deıin jetti.
Óskemende úshinshi sanattaǵy TE jarysta almatylyq Polına Sleptsova absolıýtti jeńimpaz boldy. Ol jekeleı synda fınalda otandasy Aııa Myrzaqulovany tartysty kezdesýde utty – 2:6, 6:2, 7:6 (7:2). Al, juptyq synda Arıana Kolbasınamen birge Albına Kákenova - Aııa Myrzaqulovadan aılasyn asyrdy – 3:6, 7:6 (7:4), 10:3.
Uldar arasynda jekeleı synda sheshýshi básekede Tıhon Sorokındi jeńgen Іlııas Maratuly ozyq shyqty – 6:1, 6:4. Іlııas munymen toqtamaı, juptyq synda Vıacheslav Kaýfeldpen birge fınalda Demıd Gorbachev - Baqtııar Erasyldy tize búktirdi – 6:0, 7:6 (8:6).
Eske sala keteıik, budan buryn qazaqstandyq jas tennısshiniń Túrkııadaǵy týrnırdiń chempıony atanǵanyn, Qazaqstan áıelder quramasynyń álem chempıonatyna daıyndalyp jatqanyn jazǵan bolatynbyz.
