Qazaqstandyq jas tennısshiler halyqaralyq týrnırlerde tabysty óner kórsetti
Qazaqstan tennıs federatsııasynyń baspasóz qyzmetinen málim etkendeı, Grýzııada 18 jasqa deıingiler arasynda J30 TBILISI ITF «MZIURI CUP» jarysy aıaqtaldy.
Qaraǵandylyq ıAna Kım aqtóbelik Amıra Qaztýǵanmen birge fınalǵa deıin jetip, onda tartysty básekede reseılikter Marııa Bahtına – Nına Sazonovaǵa jol berdi – 5:7, 6:4, 2:10.
Sondaı-aq Grýzııada 14 jasqa deıingiler arasynda Tennis Europe dodasynda Rodıon Traıgel jekeleı jáne juptyq synda fınalıst atandy.
Ol fınalda jarystyń birinshi raketkasy, reseılik Ivan Makarovqa jol berdi 7:6 (7:4), 4:6, 3:6.
Juptyq synda Mansur Saıynovpen birge sońǵy básekede reseılik Ivan Makarov – túrkııalyq ıAgyz Iyldyzdan utyldy – 3:6, 4:6.
Sholpan-Atada (Qyrǵyzstan) Azııa tennıs federatsııasy aıasynda uıymdastyrylǵan týrnırde qazaqstandyq Sara Hamıtova absolıýtti chempıon atandy.
Sara jekeleı synda fınalda otandasy Adel Husaıynovadan basym tústi – 6:2, 6:2.
Juptyq synda taǵy bir qazaqstandyq Vıoletta Volkovamen birge A.Husaıynova – reseılik Ekaterına Kırıýshenkony tize búktirdi.
Eske sala keteıik, budan buryn álemdik reıtıngte Rybakınanyń úshtikte, Pýtıntsevanyń TOP-50-de ekendigin jazǵan bolatynbyz.
