Qazaqstandyq jas tennısshiler halyqaralyq týrnırde jeńimpaz atandy
NUR-SULTAN. QazAqparat - Qaraǵandy qalasynda 18 jasqa deıingiler arasynda ekinshi halyqaralyq ITF Juniors týrnıri márege jetti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Team Kazakhstan akademııasynyń tárbıelenýshileri tabysty óner kórsetti.
Bozbalalar arasynda Islam Orynbasar fınalda reseılik Artem Alekseıchýkti 6:4, 6:1 esebimen utty. Sóıtip ol jekeleı synda ITF Juniors jarysyndaǵy alǵashqy tıtýlyna qol jetkizdi.
Juptyq synda Ámir Omarhanov Vıtalıı Zatsepınmen birge sońǵy básekede reseılik Egor Gorın men ózbekstandyq Artýr Ibragımovti 6:3, 6:3 esebimen tize búktirdi. Bul da - Ámirdiń ITF Juniors serııasyndaǵy alǵashqy jeńisi.
Bir apta buryn Qaraǵandyda ótken osyndaı jarysta Ámir men Vıtalıı fınalda I.Orynbasar men ózbekstandyq Ámir Mılýshevke ese jibergen edi.
Qyzdar arasynda jekeleı synda qazaqstandyq Aııa Nupbaı fınalda reseılik Ksenııa Pıskarevadan utyldy - 3:6, 3:6.
Sondaı-aq juptyq synda Asyljan Arystanbekova men A.Nupbaı sońǵy kezdesýde Belarýs ókilderi Varvara Bernovıch - Sofıa Gapankovadan aılasyn asyra almady - 3:6, 2:6.
Eske sala keteıik, budan buryn Elena Rybakınanyń Sankt-Peterbýrg týrnıriniń shırek fınalyna shyǵa almaǵanyn jazǵan bolatynbyz.
