Qazaqstandyq jas tennısshiler Delıdegi jarystyń jeńimpazy atandy

ASTANA. QazAqparat - Qazaqstandyqtar Aııa Nupbaı men Asyljan Arystanbekova Úndistan astanasy Delıde ótken ekinshi sanattaǵy J200 DELHI jarysynyń jeńimpazy atandy, dep habarlaıdy QazAqparat tilshisi.

Qazaqstan tennıs federatsııasynan málim etkendeı, A.Nupbaı men A.Arystanbekova 18 jasqa deıingi arasynda elimizdegi eń tabysty jup bolyp sanalady.

Olar fınalda taılyq dýetti 6:3, 6:2 esebimen tize búktirdi.

Ótken jyly qazaqstandyq jup ITF Juniors serııasynda jeti týrnırde úzdik shyqqan bolatyn. Barlyǵy olar osymen 10 tıtýlǵa qol jetkizdi.

«Jyl basynda jeńiske jetken mańyzdy. Qazirgi deńgeıime rızamyn, budan keıin de babymda bolamyn dep oılaımyn. Asyljanǵa rahmet, dodada qıyn matchtar boldy. Biz sodan sátimen shyǵa bildik», dedi A.Nupbaı.

«Bul - Aııa ekeýmizdiń onynshy tıtýlymyz. Jańa maýsym basyndaǵy tabys tyń jetistikterge jeteleıdi, kúsh beredi. Federatsııa men Team Kazakhstan akademııasynyń barlyq bapkerlerine alǵys aıtamyz», dedi A.Arystanbekova.

Eske sala keteıik, budan buryn Elena Rybakınanyń Adelaıda jarysynyń fınalynda jeńilip qalǵanyn jazǵan bolatynbyz.

Foto: ktf.kz