Qazaqstandyq jas tennısshiler Azııa chempıonatynda top jardy
NUR-SULTAN. QazAqparat - Ózbekstan astanasy Tashkentte tennısten 14 jasqa deıingi sportshylar arasyndaǵy jabyq Azııa chempıonaty aıaqtaldy. Qazaqstandyq sportshylar atalǵan synda sátti óner kórsetti, dep habarlaıdy Olympic.kz.
Qyzdar arasyndaǵy jekeleı synda Sandýǵash Kenjebaeva chempıon atandy. Týrnır barysynda birde-bir ret jeńilmegen ol fınalda Úndistan sportshysyn 6:4, 6:3 esebimen utty.
Uldar arasyndaǵy básekede bizdiń taǵy bir sportshymyz top jardy. Maks Batıýtenko aqtyq synda týrnırdiń ekinshi raketkasy, taılandyq tennısshini 6:4, 6:1 esebimen jeńdi.
Qurlyq chempıonatynda kózge túsken Kenjebaeva men Batıýtenko jazda Eýropada ótetin joǵary sanatty týrnırlerge qatysý múmkindigin aldy. Olardyń barlyq shyǵynyn Halyqaralyq tennıs federatsııasy (ITF) óz moınyna almaq.
