Qazaqstandyq jas tennısshiler Astanada ótken týrnırdiń chempıony atandy
ASTANA. QazAqparat – Astanada «Dáýlet» tennıs ortalyǵynda 18 jasqa deıingiler arasynda besinshi sanattaǵy ITF Juniors týrnıri máresine jetti, dep habarlaıdy QazAqparat tilshisi.
Qyzdar arasynda qazaqstandyq Ýlıana Romanova jekeleı synda úzdik shyqty.
Ý.Romanova fınalda reseılik Ksenııa Krýpenınany 6:3, 4:6, 6:2 esebimen tize búktirdi.
Juptyq synda Ádemi Amankeldi men Satı Áýbákirova reseılikter Krıstına Belkova – K.Krýpenınadan aılasyn asyryp, chempıon atandy – 6:2, 6:3.
Uldardan Іlııas Maratuly absolıýtti jeńimpaz boldy. Ol jekeleı synda komandalasy Kırıll Kolganovtan basym tústi – 6:4, 6:3. Al juptyq synda taǵy bir qazaqstandyq Ilıa Vedmedpen birge sońǵy básekede otandastary K.Kolganov – Vıtalıı Zatsepındi jeńdi – 1:6, 6:1, 10:2.
Mysyrdyń Sharm-el-Sheıh qalasynda aıaqtalǵan ITF World Tennis Tour W15 jarysynda Arýjan Saǵyndyqova men Janel Rústemova juptyq synda fınalǵa deıin jetti. Olar sheshýshi básekede dodanyń birinshi raketkalary, qytaılyq Taıbeı ókilderi Sýn Cho – Tsen Choǵa ǵana ese jiberdi – 1:6, 0:6.
Eske sala keteıik, budan buryn qazaqstandyq tennısshilerdiń Mysyrdaǵy týrnırdiń fınalyna ótkenin jazǵan bolatynbyz.
Foto: ktf.kz
