Qazaqstandyq jas tennısshiler álemdik reıtıngide joǵary kóterildi
NUR-SULTAN. QazAqparat – Búgin ITF 18 jasqa deıingiler arasynda jańartylǵan álemdik reıtıngini jarııa etti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, sondaı-aq Tennis Europe qaýymdastyǵy 14 jasqa deıingiler arasynda úzdikterdi anyqtady.
Jasóspirimder arasynda Maksım Batıýtenko 83-ten 78-orynǵa kóterildi. Islam Orynbasar 198-inshi, Danııl Felker 236-ynshy, Danıal Rahmatýllaev 239-ynshy, Ámir Omarhanov 424-satyda keledi.
Qyzdar arasynda úzdik júzdikke engen Arýjan Saǵyndyqova 82-orynǵa jaıǵasty. Sandýǵash Kenjebaeva 119-ynshy, Dana Báıdáýlet 160-ynshy, Janel Rústemova 165-inshi, Erkejan Arystanbekova 209-ynshy, Aııa Nupbaı 315-inshi, Asyljan Arystanbekova 417-inshi, Іńkár Dúısebaı 434-orynda tur.
Tennis Europe qaýymdastyǵynyń 14 jasqa deıingi oıynshylar reıtıngisinde Zańǵar Nurlanuly tórtinshi, al chempıondyq kestede besinshi satyda keledi. Sondaı-aq Damır Jalǵasbaı (43-raketka) men Danıel Tazabekovtiń (55-raketka) reıtıngisi de joǵary. Qyzdar arasynda Sofıa Isakova (110), Eva Korysheva (223), Arıana Gogýlına (313) jáne Sátıma Tóregenge (377) óz kórsetkishterin jaqsartý úshin aıanbaı ter tógýge týra keledi.
Eske sala keteıik, budan buryn Aleksandr Býblıktiń London týrnıriniń ekinshi aınalymyna shyqqanyn jazǵan bolatynbyz.
