Qazaqstandyq jas tennısshiler álem chempıonatynyń irikteý kezeńin jeńispen bastady
NUR-SULTAN. QazAqparat – Úndistannyń Nıý-Delı qalasynda jasóspirimder arasynda Davis Cup kýbogynyń (álem chempıonaty) irikteý kezeńi bastaldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Qazaqstan quramasy D tobynda Shrı-Lanka, Taıland jáne Vetnam komandalarymen oınaıdy.
Qazaqstandyq jasóspirimder búgin bastapqy kezdesýinde Shrı-Lanka tennısshilerin jeńdi.
Birinshi bolyp kortqa shyqqan Ámir Omarhanov Tıla Dısııanakımen básekeniń birinshi partııasynda qarsylasyna birde-bir geım bergen joq – 6:0. Tartysty órbigen ekinshi set sońynda Ámir breık jasaı aldy – 7:5.
Ekinshi oıynda Danır Qaldybekov Vıshın Nılaverany 6:3, 6:4 esebimen utty.
Juptyq synda Ámir Omarhanova Vıtalıı Zatsepınmen birge bir saǵattan sál astam ýaqytta V.Nılavera – Lısal Gýnıtılekeni tize búktirdi – 6:4, 6:4.
Osylaısha qazaqstandyqtar qarsylasynan 3:0 esebimen basym tústi.
Eske sala keteıik, budan buryn Zańǵar Nurlanulynyń Portýgalııadaǵy sýper týrnırdiń fınalısi atanǵanyn, Qazaqstannyń birinshi raketkasy álemdik reıtıngide kóterilgenin jazǵan bolatynbyz.
