Qazaqstandyq jas tennısshiler álem chempıonaty irikteý kezeńiniń shırek fınalyna shyqty
NUR-SULTAN. QazAqparat – Nıý-Delı (Úndistan) qalasynda tennısten Qazaqstan jasóspirimder quramasy Davis Cup kýbogy (álem chempıonaty) irikteý kezeńiniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, jarystyń ekinshi kúni qazaqstandyq jasóspirimder Vetnam quramasyn 2:1 esebimen utty.
Birinshi oıynda Ámir Omarhanov qarsylasyna esh múmkindik qaldyrǵan joq – 6:0, 6:0.
Tartysty órbigen ekinshi matchta Danır Qaldybekov te úmitti aqtady – 2:6, 6:2, 6:3.
Eshteńeni sheshpeıtin úshinshi básekede Á.Omarhanov pen Vıtalıı Zatsepın utylyp qaldy.
Osylaısha Qazaqstan jasóspirimder quramasy merziminen buryn shırek fınalǵa joldama aldy.
Erteń qazaqstandyqtar D tobyndaǵy sońǵy matchyn Taılandpen ótkizedi.
Shırek fınal jerebesi 13 sáýir kúni keshkisin tartylady.
Eske sala keteıik, budan buryn qazaqstandyq jas tennısshilerdiń álem chempıonatynyń irikteý kezeńin jeńispen bastaǵanyn, Aleksandr Býblıktiń «Úlken dýlyǵanyń» úsh dúrkin chempıonyn utqanyn jazǵan bolatynbyz.
Sondaı-aq Qazaqstan quramasy Germanııamen ótetin matchqa daıyndalyp jatyr.
ıAroslava Shvedova Germanııa tennısshileriniń múmkindigi týraly aıtty.
