Qazaqstandyq jas tennısshiler Albanııadaǵy jarystyń jeńimpazy atandy
ASTANA. QazAqparat – Qazaqstandyq jas tennısshiler Albanııada 14 jasqa deıingiler arasynda úshinshi sanattaǵy Tennis Europe jarysynyń jeńimpazy atandy, dep habarlaıdy QazAqparat tilshisi.
Qazaqstan tennıs federatsııasynan málim etkendeı, bir apta buryn ótken osyndaı týrnırdegideı, Krıstına Krýchenko absolıýtti chempıon boldy.
K.Krýchenko jekeleı synda fınalda ıtalııalyq Dıletta D'Amachıony 2:6, 6:4, 6:1 esebimen tize búktirdi.
Al juptyq synda Lınara Bóleshevamen birge dodanyń birinshi raketkalary, ıtalııalyqtar Lıýdovıka Gazalıno – Dıletta D'Amachıodan basym tústi – 6:3, 3:6, 13:11.
Ispanııanyń Palmanova qalasynda 12 jasqa deıingiler arasynda ekinshi sanattaǵy Tennis Europe týrnırinde Ámına Nurmahan fınalǵa deıin jetti.
Ol sońǵy básekede ǵana birinshi raketka, nıderlandylyq Pıppe Fennıske ese jiberdi – 6:7, 5:7.
Ózbekstannyń Ýchkýn qalasynda 18 jasqa deıingiler arasynda ITF World Juniors Tour jarysy aıaqtaldy. Munda juptyq synda bas júlde úshin qazaqstandyqtar talasty.
Anastasııa Krymkova men Sátıma Tóregen Іńkár Dúısebaı – Ádemi Amankeldiden 0:6, 6:1, 10:7 esebimen aılasyn asyryp, chempıon atandy.
Eske sala keteıik, budan buryn qazaqstandyq tennısshiniń Bosnııadaǵy týrnırdiń fınalynda utylyp qalǵanyn jazǵan edik.
