Qazaqstandyq jas tennısshi Úndistanda ótken jarystyń jeńimpazy atandy
ASTANA. QazAqparat – Úndistannyń Dehradýn qalasynda 18 jasqa deıingiler arasynda ITF týrnıri márege jetti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, qazaqstandyq jas sportshylar fınalda bas júldeni ózara bólisti.
Jekeleı synda 15 jasar Albına Kákenova ózinen bir jas úlken Anastasııa Krymkovany 6:1, 6:4 esebimen jeńiske jetip, ITF Juniors dodasyndaǵy alǵashqy tıtýlyna qol jetkizdi.
Esesine A.Krymkova juptyq synda fınalda Sátıma Tóregenmen birge A.Kákenova – Arıana Gogýlınadan basym tústi.
Sondaı-aq Beıbit Juqaev Shveıtsarııanyń Trımbah qalasynda ótken ITF týrnırinde fınalǵa deıin jetip, onda Polsha ókili Kasper Jýkqa ese jiberdi – 4:6, 4:6.
Eske sala keteıik, budan buryn qazaqstandyq tennısshi Beıbit Juqaevtyń Shveıtsarıdaǵy týrnırdiń fınalyna shyqqanyn jazǵan bolatynbyz.
