Qazaqstandyq jas tennısshi Úndistanda ótken jarystyń chempıony atandy
NUR-SULTAN. QazAqparat – Qazaqstandyq Sandýǵash Kenjebaeva juptyq synda Pýna qalasynda (Úndistan) 18 jasqa deıingiler arasynda ITF serııasy boıynsha ótken birinshi sanattaǵy týrnırdiń chempıony atandy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, S.Kenjebaeva úndistandyq Sýhıta Marýrımen birge fınalda qazaqstandyqtar Erkejan Arystanbekova – Janel Rústemovamen bas júldeni sarapqa saldy.
Asa tartysty ótken match eki saǵat jarymǵa jýyq ýaqytqa sozyldy.
Sandýǵash pen Sýhıta 6:4, 2:6, 10:8 esebimen jeńiske jetip, chempıondyq tuǵyrǵa kóterildi.
Eske sala keteıik, budan buryn aldaǵy jyly Almaty men Túrkistanda jańa tennıs ortalyqtary ashylatynyn, jas qazaqstandyqtyń Eýropa týrnıriniń jeńimpazy atanǵanyn
jazǵan bolatynbyz.
