Qazaqstandyq jas tennısshi Ýımbldon týrnırindegi alǵashqy jeńisine qol jetkizdi
NUR-SULTAN. QazAqparat – Qazaqstandyq Janel Rústemova Ýımbldon jasóspirimder týrnıri irikteý saıysynyń fınalyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, 18 jasqa deıingiler arasynda álemdik reıtıngide 145-orynda turǵan J.Rústemova alǵashqy kezdesýin irikteý saıysynyń 11-raketkasy bolyp tirkelgen úndistandyq Shrýtı Ahlavatpen ótkizdi.
Qazaqstandyq jas tennısshi bir saǵatqa jýyq ýaqyt ishinde qarsylasyn oısyrata utty – 6:1, 6:1.
Erteń elorda tennıs mektebiniń túlegi irikteý saıystarynyń fınalynda álemniń 78-raketkasy, slovenııalyq Elanalııa Mılıchpen oınaıdy. Ony jeńse, negizgi jarysqa joldama alady.
«Men jasóspirimder arasynda «Úlken dýlyǵa» týrnırindegi alǵashqy matchymda jeńiske jetkenime qýanyshtymyn. Jaqsy daıyndalyp, bapkerdiń nusqaýyn ustandym, birinshi bolyp shabýyldaýǵa tyrystym. Bul taktıka óz jemisin berdi. Erteńgi qarsylas myqty, ol básekede de ózimniń bar kúshimdi salatyn bolamyn», dedi J.Rústemova.
Eske sala keteıik, budan buryn Aleksandr Býblıktiń Ýımbldon týrnıriniń úshinshi aınalymyna shyqqanyn, qazaqstandyq tennısshiniń jarysty sátti bastaǵanyn jazǵan bolatynbyz.
Sondaı-aq Ýımbldon jasóspirimder týrnırinde taǵy bir qazaqstandyq tennısshi óner kórsetedi.
