Qazaqstandyq jas tennısshi Ýımbldon irikteý saıysynyń fınalyna shyqty
NUR-SULTAN. QazAqparat - Qazaqstandyq Tatıana Nıkolenko Ýımbldon jastar týrnıri irikteý saıystarynyń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq jas tennısshi alǵashqy kezdesýinde shvetsııalyq Klara Mılıshevıchti jeńdi.
T.Nıkolenko qarsylasynan 6:4, 6:2 esebimen basym tústi.
Báseke 1 saǵat 20 mınýtqa sozyldy.
Erteń, 5 shilde kúni qazaqstandyq tennısshi irikteý saıystarynyń fınalynda chehııalyq Nıkola Bartýnkovamen sheberlik baıqasady. Ony utsa, negizgi jarysqa joldama alady.
Eske sala keteıik, budan buryn qazaqstandyq tennısshiniń Ýımbldon jastar týrnıriniń irikteý saıysynda baq synaıtynyn, Aleksandr Býblıktiń tórtinshi aınalymǵa shyǵa almaǵanyn jazǵan bolatynbyz.
Esesine Andreı Golýbev juptyq synda úshinshi aınalymǵa shyqty.
