Qazaqstandyq jas tennısshi Rolan Garros týrnırin sátti bastady
NUR-SULTAN. QazAqparat – Qazaqstandyq Arýjan Saǵyndyqova jastar arasynda Rolan Garros týrnıriniń irikteý saıysyn sátti bastady, dep habarlaıdy QazAqparat tilshisi.
Arýjan irikteý saıystarynyń jartylaı fınalynda frantsııalyq Ofalıa Býllaımen kezdesti.
Eki saǵatqa sozylǵan tartysty matchta qazaqstandyq tennısshi 6:4, 5:7, 10:6 esebimen jeńiske jetti.
A.Saǵyndyqova irikteý saıystarynyń fınalynda japonııalyq Haıa Kınosıtamen sheberlik baıqasady. Іrikteý saıystarynyń 6-raketkasyn jeńse, negizgi jarysqa joldama alady.
Taǵy bir jas qazaqstandyq Maksım Batıýtenko jergilikti oıynshy Tomas Fýrelge jol berdi – 6:4, 4:6, 7:10.
Eske sala keteıik, budan buryn Elena Rybakınanyń Rolan Garros týrnıriniń úshinshi aınalymyna shyqqanyn jazǵan bolatynbyz.
Qazaqstannyń áıelder arasyndaǵy ekinshi, álemniń 37-raketkasy ıÝlııa Pýtıntseva úshinshi aınalymǵa óte almady. Ol álemniń 30-raketkasy, ıtalııalyq Kamıla Djordjıden utylyp qaldy – 3:6, 5:7.
ıÝ.Pýtıntseva juptyq synda da jarys jolynan shyǵyp qaldy. Ol amerıkalyq Danıel Kollızben birge rýmynııalyq Monıka Nıkýleský – belgııalyq Elıson Van Eıtvanktan jeńildi – 6:3, 3:6, 1:6.
