Qazaqstandyq jas tennısshi Portýgalııadaǵy týrnırdiń jartylaı fınalyna shyqty
NUR-SULTAN. QazAqparat – Qazaqstandyq Tımofeı Skatov Portýgalııadaǵy Oeırash chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Dúnıejúzilik reıtıngte 441-orynda turǵan 20 jastaǵy T.Skatov shırek fınalda álemniń 363-raketkasy, ıspanııalyq Nıkolas Sanche-Iskerdomen kúsh synasty.
Birinshi partııada qazaqstandyq tennısshi taı-breıkte jeńisti julyp aldy – 7:6 (7:4).
Ekinshisinde qarsylasy ese qaıyrdy – 7:5.
Úshinshi, sheshýshi sette T.Skatov ıspanııalyq sportshyǵa esh amal qaldyrmady – 6:1.
Tartysty báseke 2 saǵat 47 mınýtqa sozyldy.
T.Skatov fınalǵa shyǵý úshin álemniń 313-raketkasy, danııalyq Holger Rýnemen talasady.
Taǵy bir qazaqstandyq Aleksandr Nedovesov chehııalyq Roman Jebavymen birge juptyq synda Italııada ótip jatqan Parma ATP 250 jarysynyń fınalyna shyǵa almady. Olar jartylaı fınalda ıtalııalyq Sımone Bolellı – argentınalyq Maksımo Gonsaleden 1:6, 4:6 esebimen jeńilip qaldy.
Eske sala keteıik, budan buryn qazaqstandyq tennısshilerdiń Rolan Garros týrnırindegi qarsylastary belgili bolǵanyn jazǵan edik.
