Qazaqstandyq jas tennısshi Pákistandaǵy týrnırde chempıon atandy

ASTANA. QazAqparat – Qazaqstandyq jas tennısshi Taıra Ábdildaeva Pákstanda jasóspirimder arasynda ITF J30 týrnırinde chempıon atandy, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, T.Ábdildaeva juptyq synda reseılik Vlada Gýrleevamen birge fınalda taǵy bir qazaqstandyq Anastasııa Kım – qytaılyq Sı Djınshýdi 7:5, 6:3 esebimen utty.

Taıra – Almaty tennıs mektebiniń túlegi, 16 jasta.

Taǵy bir qazaqstandyq Denıs Evseev Monterreı (Meksıka) chellendjer jarysynyń irikteý saıysyn sátti bastady. Ol amerıkalyq Evan Kıngten basym tústi – 7:5, 6:3. Endi irikteý saıystarynyń fınalynda ıtalııalyq Stefano Napolıtanony jeńse, negizgi dodaǵa joldama alady.

Andreı Golýbev pen Aleksandr Nedovesov Rıo-de-Janeıro (Brazılııa) ATP 500 týrnıriniń irikteý satysynda kort ıeleri Jýan Fonseka – Mateýsh Alveshke jol berdi – 6:7 (3:7), 2:6.

Tımofeı Skatovtyń da Brazılııadaǵy osy jarysta joly bolmady. Ol taǵy bir brazılııalyq Edýardo Rıbeırodan jeńildi – 6:2, 2:6, 4:6.

Eske sala keteıik, budan buryn Elena Rybakınanyń Dýbaı týrnırindegi qarsylasy anyqtalǵanyn jazǵan bolatynbyz.

Sondaı-aq Aleksandr Býblık Frantsııada Marsel jarysynda baq synaıdy.

Elena Rybakına juptyq synda Dýbaı týrnırin sátti bastady.

Qazaqstandyq tennısshilerdiń álemdik reıtıngtegi oryndary belgili boldy.

Foto: ktf.kz