Qazaqstandyq jas tennısshi Ispanııadaǵy týrnırdiń absolıýtti chempıony atandy
ASTANA. QazAqparat – Qazaqstandyq Eva Korysheva Ispanııada ataqty tennısshi Hýan Karlos Ferrero akademııasynda 14 jasqa deıingiler arasynda ótken úshinshi sanattaǵy Tennis Europe týrnıriniń absolıýtti chempıony atandy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, aıtýly dodaǵa AQSh, Aýstralııa, Rýmynııa, Italııa, Germanııa, Argentına, Belgııa syndy elderden myqty oıynshylar qatysyp, baq synady.
Aqtóbe tennıs mektebiniń túlegi, 13 jasar E.Korysheva jekeleı jáne juptyq synda úzdik shyqty.
Eva jekeleı synda fınalda osy jarystyń birinshi raketkasy, majarstandyq Greta Nemchekti 6:4, 6:4 esebimen tize búktirdi.
Juptyq synda taǵy bir qazaqstandyq Tomırıs Nurjanmen birge sońǵy básekede G.Nemchek – rýmynııalyq Anastasııa Predadan aılasyn asyrdy – 6:2, 6:2.
Bıylǵy jyl Eva Korysheva úshin tabysty boldy. Tennis Europe serııasymen ótken 4 týrnırde jeńimpaz atansa, sonyń úsheýi jekeleı syn edi.
Eske sala keteıik, budan buryn Elena Rybakınanyń qazaqstandyqtardyń qoldaýyn sezinetini týraly aıtqanyn jazǵan bolatynbyz.
Elena Rybakına sondaı-aq álemniń «Jyl oıynshysy» ataǵyna úmitker atandy.
