Qazaqstandyq jas tennısshi halyqaralyq týrnırdiń fınalynda oınaıdy
NUR-SULTAN. QazAqparat – Qazaqstandyq Tatıana Nıkolenko Stellenbos (Ońtústik Afrıka Respýblıkasy) qalasynda 18 jasqa deıingiler arasynda ótip jatqan úshinshi sanattaǵy ITF Juniors týrnıriniń fınalynda oınaıdy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, T.Nıkolenko jartylaı fınalda kenııalyq Anjela Okýtoıdy 6:3, 6:3 esebimen utty.
Óskemen tennıs mektebiniń túlegi, 17 jastaǵy T.Nıkolenko erteń fınalda slovakııalyq Irına Balýshpen sheberlik baıqasady.
Taǵy bir qazaqstandyq, temirtaýlyq Maksım Batıýtenko jartylaı fınalda ońtústikafrıkalyq Konnor Henrımen kezdesti. Birinshi partııada kort ıesi basymdylyq kórsetti – 6:2. Ekinshi sette qazaqstandyq tennısshi jaraqat alyp, oıyndy jalǵastyra almady.
Eske sala keteıik, budan buryn Denıs Evseevtiń Ispanııadaǵy týrnırdiń shırek fınalyna ótkenin, Elena Rybakınanyń juptyq synda Indıan-Ýells jarysynyń fınalyna shyqqanyn jazǵan bolatynbyz.
