Qazaqstandyq jas tennısshi halyqaralyq týrnırde úshinshi ret chempıon atandy
ASTANA. QazAqparat – Qazaqstandyq Robert Kamınskıı Vılnıýs qalasynda 12 jasqa deıingiler arasynda ótken ekinshi sanattaǵy Tennis Europe týrnırinde chempıon atandy, dep habarlaıdy QazAqparat tilshisi.
Qazaqstan tennıs federatsııasynan málim etkendeı, elimizdiń jas juldyzy fınalda Polshanyń osy jastaǵy birinshi raketkasy ıAn Paradovskıımen kezdesti.
Almaty tennıs mektebiniń túlegi qarsylasyn 6:4, 6:4 esebimen tize búktirdi. Jarys barysynda Robert birde-bir sette utylǵan joq.
Juptyq synda R.Kamınskıı lıtvalyq Mark Tversıımen birge fınalda tartysty básekede Belarýs ókilderi Koran – Svıtlovqa ese jiberdi – 6:1, 4:6, 5:10.
Robert Kamınskıı úshin bıylǵy jyl tabysty boldy. Ol osymen Tennis Europe serııasy boıynsha jekeleı synda úshinshi tıtýlyna qol jetkizdi. Bıylǵy maýsymda Amal Sultanbekovtiń shákirti 30 match ótkizip, sonyń 26-synda jeńiske jetti.
Eske sala keteıik, budan buryn tennısten Qazaqstan quramasynyń Devıs kýboginiń irikteý saıysynda Chılımen oınaıtynyn jazǵan bolatynbyz.
Sondaı-aq Mıhaıl Kýkýshkın Italııadaǵy jarystyń fınalynda jeńilip qaldy.
