Qazaqstandyq jas tennısshi Grýzııada ótken jarystyń absolıýtti chempıony atandy
Qazaqstan tennıs federatsııasynan málim etkenindeı, Qaraǵandy tennıs mektebiniń túlegi, qazirgi kezde Chehııada jattyǵyp júrgen 15 jasar Ámir Omarhanov jekeleı jáne juptyq synda úzdik shyqty.
Ámir jekeleı synda ázerbaıjandyq Kanan Gasımovty 6:1, 6:3 esebimen utty. Qazaqstandyq tennısshi fınalǵa deıin de qarsylastaryna birde-bir setti bergen joq.
Á.Omarhanov juptyq básekede bolgarııalyq Ivan Naıdenovpen birge qazaqstandyqtar Іlııas Maratuly – Vıtalıı Zatsepındi jeńdi – 6:3, 6:4.
Osylaısha, Ámir Omarhanov ITF Juniors dodasynda besinshi tıtýlyna qol jetkizdi. Sonyń ishinde ekeýi – jekeleı synda.
Tbılısıdegi tabysy nátıjesinde qazaqstandyq sportshy jasóspirimder álemdik reıtıngisinde 298-orynǵa kóterildi.
Sol sekildi Qyrǵyzstannyń Sholpan-Ata qalasynda jasóspirimder arasynda ótken halyqaralyq týrnır qazaqstandyqtardyń jeńisimen aıaqtaldy.
Albına Kákenova fınalda Dılnaz Mashabaevadan aılasyn asyrdy.
Juptyq synda Іńkár Dúısebaı ózbekstandyq Darıa Shýbınamen birge sýper taı-breıkte Ádemi Amankeldi men reseılik Ekaterına Hodjaevadan jeńisti julyp aldy – 3:6, 7:6 (7:5), 10:3.
A.Kákenova osymen ITF juniors jarysynda ekinshi ret jeńimpaz atanyp otyr.
Eske sala keteıik, budan buryn qazaqstandyq tennısshiniń Germanııadaǵy jarysty jeńispen bastaǵanyn jazǵan edik.
Sondaı-aq Qazaqstan múgedek arbasyndaǵy tennısten alǵashqy tabysyna qol jetkizdi.
Mıhaıl Kýkýshkın AQSh-taǵy týrnırde otandasyn utty.
