Qazaqstandyq jas tennısshi Grekııadaǵy týrnırde jeńimpaz atandy
ASTANA. QazAqparat - Qazaqstandyq Jantóre Sanjaruly 12 jasqa deıingiler arasynda Grekııada ótken ekinshi sanattaǵy Tennis Europe týrnırinde jeńimpaz atandy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Jantóre kıprlik Mıhael Gınetlýmen birge juptyq synda fınalda namıbııalyq Israel Dove - grekııalyq Rafael Pagonısti jeńdi - 7:6, 6:3.
Jekeleı synda da fınalǵa jetken J.Sanjaruly sońǵy básekede aýstrııalyq Morıs Freıtagqa jol berdi - 1:6, 2:6.
Taǵy bir qazaqstandyq Eva Korysheva Ispanııada Rafael Nadal akademııasynda 14 jasqa deıingiler arasynda úshinshi sanattaǵy osyndaı jarysta juptyq synda fınalǵa deıin jetti. Ol Shveıtsarııa ókili Lýana Kappelmen birge tıtýl úshin básekede asa tartysty matchta ıtalııalyq Kostantsa Rıkon - aýstralııalyq Elen Hırshıge ese jiberdi - 6:1, 3:6, 8:10.
Eske sala keteıik, budan buryn qazaqstandyq tennısshilerdiń halyqaralyq týrnırlerdi jeńispen bastaǵanyn jazǵan bolatynbyz.
