Qazaqstandyq jas tennısshi Germanııadaǵy týrnırdiń fınalyna deıin jetti
NUR-SULTAN. QazAqparat - Germanııanyń Vaıblıngen qalasynda 14 jasqa deıingiler arasynda Tennis Europe serııasy boıynsha ekinshi sanattaǵy týrnır máresine jetti, dep habarlaıdy QazAqparat tilshisi.
Qazaqstan tennıs federatsııasynan málim etkendeı, qazaqstandyq Damır Jalǵasbaı fınalda jarystyń birinshi raketkasy, reseılik Sava Rybakınmen synǵa tústi.
Tartysty ótken básekede reseılik tennısshi 7:6 (7:4), 4:6, 1:6 esebimen jeńiske jetti.
Germanııanyń taǵy bir qalasy - Dıýrende 25 shildede 14 jasqa deıingiler arasynda Tennis Europe serııasy boıynsha sýper jarys bastalady.
Onda Qazaqstan namysyn álemniń 14 jasqa deıingiler arasynda tórtinshi raketkasy Zańǵar Nurlanuly, sondaı-aq Sátıma Tóregen, Arıana Gogýlına qorǵaıtyn bolady.
Eske sala keteıik, budan buryn Denıs Evseev pen Beıbit Jýkaevtyń álemdik reıtıngide jeke rekordtyq nátıjege qol jetkizgenin jazǵan bolatynbyz.
