Qazaqstandyq jas tennısshi Eýropadaǵy úzdik 50 oıynshynyń qataryna kirdi
Halyqaralyq tennıs federatsııasy (ITF) men Eýropa tennıs qaýymdastyǵy (TE) jasóspirimder arasynda jańartylǵan reıtıngini jarııalady.
Tennis Europe reıtıngisinde 14 jasqa deıingi qyzdar arasynda Aqtóbe tennıs mektebiniń túlegi Eva Korysheva 61-den birden 45-orynǵa kóterildi. Tomırıs Nurjan 118-inshi, Erkejan Jańataeva 199-satyda tur.
Uldar arasynda astanalyq ıAroslav Pshenıchnyı 73-orynda bolsa, Robert Kamınskıı 149-dan 99-ǵa shyǵyp, TOP-100-ge endi. Mıhaıl Mışenko 128-satyda.
ITF jasóspirimder reıtıngisinde Sandýǵash Kenjebaeva – 87, Asyljan Arystanbekova – 128, Dana Baıdáýlet – 148, Aııa Nupbaı 159-orynda keledi. Bozbalalar arasynda Erasyl Erdildá – 118, Maksım Batıýtenko – 123, Vıtalıı Zatsepın – 200, Ilıa Maratuly – 277, Ámir Omarhanov 283-orynda. Zańǵar Nurlanuly 933-ten birden 844-ke joǵarylady.
Eske sala keteıik, budan buryn úsh qazaqstandyq tennısshiniń juptyq synda Astanadaǵy týrnırdiń shırek fınalyna shyqqanyn jazǵan bolatynbyz.
