Qazaqstandyq jas tennısshi Bakýde ótken týrnırde absolıýtti chempıon atandy
Qazaqstan tennıs federatsııasynyń baspasóz qyzmetinen málim etkendeı, Jaqas Qozybaq atalmysh jarysta absolıýtti chempıon atandy.
Jaqas fınalda otandasy Vıtalıı Zatsepındi jeńdi – 6:3, 3:0. Ekinshi partııa barysynda jaraqat alǵan Vıtalıı básekeni jalǵastyrýdan bas tartty.
J.Qozybaq juptyq synda V.Zatsepınmen birge túrikter Bedır men Beıbelıden basym tústi – 6:2, 6:2.
Osy dodada qazaqstandyq Ýlıana Romanova qyzdar arasynda reseılik Kıra Bataıkınamen birge juptyq synda úzdik shyqty.
Sondaı-aq Almaty tennıs mektebiniń tárbıelenýshileri Sholpan-Ata (Qyrǵyzstan) qalasynda ótken ITF Juniors jarysynda tabysty óner kórsetti.
Sátıma Tóregen jekeleı synda alǵashqy tıtýlyna qol jetkizdi. Ol fınalda dodanyń birinshi raketkasy Іńkár Dúısebaıdy qapy qaldyrdy – 7:6, 6:2. Іńkár da jeńissiz qalmaı, Sofıa Isakovamen birge juptyq synda Albına Kákenova men Eva Koryshevadan aılasyn asyrdy.
Bozbalalar arasynda reseılikter Tıhon Sorokın – Sava Rybakın sońǵy básekede qazaqstandyqtar Damır Dúısenǵazın – Oljas Esenalyny utty – 7:6, 6:1.
Almatyda TsSKA korttarynda 14 jasqa deıingiler arasynda úshinshi sanattaǵy Tennis Europe týrnıri, budan bir apta burynǵydaı, tolyqtaı qazaqstandyqtardyń jeńisimen aıaqtaldy.
Erkejan Jańataeva fınalda úsh saǵatqa jýyq ýaqytqa sozylǵan tartysty matchta Lınara Bóleshevany jeńdi – 2:6, 7:6, 6:4.
Juptyq synda Sara Hamıtova – Ádııa Omarbek Evelına Balaganskaıa – Adelına Borısovadan basym tústi.
Bozbalalar arasynda Mıhaıl Mışenko eshkimdi shaq keltirmedi. Ol jekeleı synda Rodıon Traıgelden ústem boldy – 7:6, 6:3. Al juptyq synda Mansur Saıynovpen birge Robert Kamınskıı – ıAroslav Pshenıchnyıdy súrindirdi.
Eske sala keteıik, budan buryn Jibek Qulambaevanyń Serbııadaǵy týrnırdiń jeńimpazy atanǵanyn jazǵan bolatynbyz.
