Qazaqstandyq jas tennısshi Aýstralııadaǵy týrnırdiń fınalısi atandy

ASTANA. QazAqparat – Qazaqstandyq, 14 jastaǵy Albına Kákenova Aýstralııa ashyq chempıonatyna oraılastyrylǵan, «Melbýrn Parkta» ótken Asia-Pacific Elite 14 & Under Trophy jasóspirimder týrnıriniń fınalısi atandy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, qazaqstandyq jas tennısshi tartysty ótken sońǵy básekede japonııalyq Hıkarı ıAmommotoǵa ese jiberdi – 7:6, 4:6, 2:6.

«Árıne, osynshama kúsh jumsap, jetken fınalda utylǵan ókinishti. Degenmen jyldy jaqsy bastap, osyndaı bedeldi týrnırdiń fınalynda óner kórsetkenime qýanyshtymyn. Budan tájirıbe jınadym deı alamyn», dedi A.Kákenova.

Albına Kákenova – Astana tennıs mektebiniń túlegi. «Dáýlet» tennıs ortalyǵynda Marat Sháripovtiń basshylyǵymen jattyǵady. 2022 jyly ATF (Asian Tennis Federation) Juniors serııasy boıynsha ótken tórt jarystyń jeńimpazy atanyp, 14 jasqa deıingiler arasynda Azııa reıtıngisinde kósh bastady.

Eske sala keteıik, budan buryn Aýstralııa chempıonatynda Elena Rybakınanyń alǵash ret fınalǵa shyqqanyn jazǵan bolatynbyz.

Sondaı-aq E.Rybakına 1 mln astam dollar tabys tapty.

Elena Rybakına alǵash ret úzdik ondyqqa enedi.

Elena Rybakınanyń fınaldaǵy qarsylasy anyqtaldy.

Elena Rybakına eıs jasaýdan úzdik atandy.

Qazaqstandyq tennısshi qyzdar Úndistandaǵy jarystyń jartylaı fınalyna ótti.

Foto: ktf.kz