Qazaqstandyq jas shahmatshylar Gonkong komandasyn jeńdi
NUR-SULTAN. QazAqparat – Qazaqstannyń jas shahmatshylarynan quralǵan Astana komandasy onlaın matchta Gonkong komandasyn 14,5:3,5 upaımen jeńdi, dep habarlaıdy QazAqparat Qazaqstannyń shahmat federatsııasyna silteme jasap.
Álemdegi 4 qala arasynda ótken halyqaralyq onlaın týrnıriniń birinshi matchynda elimizdiń jas shahmatshylary jeńiske jetti. Ekinshi týrda Astana komandasy Penang shtatynyń (Malaızııa) komandasymen oınaıdy. Match 1 tamyzda elorda ýaqytymen saǵat 17:00-den 19:00-ge deıin ótkiziledi. Jarysqa qosylý oıyn bastalarǵa jarty saǵat ýaqyt qalǵanda bastalady.
Nur-Sultan, Gonkong, Sıngapýr, Penanganyń (Malaızııa) ıýnıor komandalary arasyndaǵy shahmattan halyqaralyq dostyq onlaın match-týrnır 25 shildede bastaldy.
Jarys Gonkongtegi Qazaqstan Respýblıkasynyń konsýldyǵy bastamasymen ótkizilip jatyr. Qazaqstan, Gonkong, Sıngapýr, Malaızııanyń ulttyq shahmat federatsııalary jarysty uıymdastyrýǵa atsalysyp, qoldaý kórsetti.
Ol FIDE-niń «Gens una sumus! — Biz bir otbasymyz!» uranymen ótip jatyr. Týrnırde úsh jas sanatyndaǵy 72 jas shahmatshy baq synaýda: 8, 10, 12 jastaǵylar.
El namysyn 18 shahmatshy qorǵaıdy. Olar óz jas dárejesinde Qazaqstan birinshiliginiń chempıondary men júldegerleri.
Astana komandasynyń quramy:
Aıat Abdýllaev,
Imanǵalı Aqylbaı,
Danııal Sápenov,
Aldııar Ańsat,
Álıhan Hajatuly,
Saýat Nurǵalıev,
Nazar Talǵatov,
Edgar Mamedov,
Álıdar Aryn,
Danıs Qýandyquly,
Nursultan Namazkeev,
Álısher Ábsattar,
Aıjaryq Qalıza,
Zarına Nurǵalıeva,
Málıka Japarbekova,
Elnaz Qalıahmet,
Dalııa Dıasqyzy,
Hanzada Amanjol.
