Qazaqstandyq jas rejısser Qajymuqan Muńaıtpasov týraly kıno túsirmek

Bul týraly «Ekspress-K» gazeti jazady.

Basty róldi óz keıipkerine qatty uqsaıtyn Dáýlet Ábdiǵaparov somdaıtyn bolady. Jaǵymsyz keıipker róline resseılik belgili boksshy Nıkolaı Valýevty shaqyrý josparlanyp otyr.

«Ryvok» fılmimen kórermenge tanys Q.Mustafın atalmysh kartınany túsirýdi bir jyldan astam ýaqyt oılastyryp júrdi. Osy ýaqyt boıy rejısser aty ańyz balýannyń ómiri týraly jan-jaqty zerttep, oqýda.

Avtordyń sózinshe, ol jańa fılmde balýannyń ómir jolyn tolyǵymen kórsetetin bolady. Áńgime Qajymuqannyń ulynyń atynan baıandalady. Bul rólge tanymal qazaqstandyq akter Nurjuman Yqtymbaevty shaqyrý kózdelgen.

Rejısser keńesshiler retinde Qajymuqan týraly kitaptyń avtoryn jáne QR Erkin kúres federatsııasynyń ókilderin tartpaq oıda. Qazirgi ýaqytta lenta stsenarııiniń jobasy «Qazaqfılm» kınostýdııasynda qaralý ústinde.