Qazaqstandyq jas parakarateshiler Reseıden 2 altyn medal jeńip aldy
«Reseıdiń Máskeý oblysyna qarasty Dolgoprýdnyı qalasynda karate men parakarateden 11-shi Búkilreseılik ashyq oıyndar aıaqtaldy, oǵan arnaıy shaqyrý boıynsha Qazaqstannan jas parasportshylar da qatysty. Bizdiń karateshilerdiń óner kórsetýi eń tabysty boldy. Óıtkeni jasóspirimder úılerine eki altyn jáne úsh qola medal ákeldi», - delingen «Samruk-Kazyna Trust» Áleýmettik jobalardy damytý qory taratqan aqparatta.
Jarysqa Qazaqstannyń atynan 5 sportshy qatysty - Meıirjan Adııarov, Dıas Qadyr, Іlııas Jaqsybek, Aıbek Tursynaqyn jáne Sultan Saǵatbek. Balalarda tirek-qımyl apparaty buzylǵan. Olardyń barlyǵy «Samruk-Kazyna Trust» Áleýmettik jobalardy damytý qorynyń qoldaýymen «Teń múmkindikter álemi» qory iske asyryp jatqan «Salamatty bolashaq» jobasy aıasynda beıimdelgen sport sektsııalaryna barady.
Meıirjan men Dıas alty, Sultan men Іlııas qola medalǵa ıe boldy. Aıbek Tursynaqyn TQAZ (tirek-qımyl apparaty zaqymdanǵan) Sporttyq jekpe-jek federatsııasynyń prezıdenti Sergeı Semaıkınnen jeke medal aldy.
«Men jarystarǵa dostarymmen jáne senseımen bardym. Karatemen 4 jyldan beri aınalysyp kelemin. Buryn men jarystarǵa qatystym, biraq tek Qazaqstanda. Sondyqtan osy joly qatty ýaıymdadym. Jarys aldynda biz kún saıyn jattyǵyp júrdik. Meniń barlyq dostarym júldeli oryndarǵa ıe bolǵysy keldi. Meıirjan ekeýmiz altyn jeńip alǵanymyzǵa óte qýanyshtymyn. Basqa dostarym úshin de óte qýanyshtymyn - olar qola medal aldy», - deıdi Dıas Qadyr.
