Qazaqstandyq jas mamandy Google kompanııasy jumysqa shaqyrdy
ASTANA. QazAqparat - Álı Júsipov Eýrazııa ulttyq ýnıversıtetiniń mehanıka-matematıka fakýltetin matematıkalyq jáne kompıýterlik modeldeý mamandyǵy boıynsha támamdaǵan, dep habarlaıdy QazAqparat.
Ol Google kompanııasynan shaqyrý alyp, bıylǵy qyrkúıek aıynan bastap Tsıýrıhtegi keńsesinde baǵdarlamashy-qurastyrýshy bolyp jumys istep jatyr.
Álı buǵan deıin ıAndekste taǵylymdamadan ótip, sonymen qatar «Sber» kompanııasynda baǵdarlamashy-ázirleýshi retinde eńbektenip úlgerdi.
Daryndy stýdent EUÝ-da oqyǵan jyldary baǵdarlamalaý salasy boıynsha kóptegen halyqaralyq olımpıada men jarystarda jeńimpaz atanyp, sondaı-aq shahmat pen basketbolǵa áýes boldy.
Búginde EUÝ túlekteriniń kópshiligi otandyq jáne sheteldik IT-kompanııalarda tabysty eńbek etip júr.
EUÝ mehanıka-matematıka fakýlteti bakalavrıat, magıstratýra jáne doktorantýra boıynsha 15 bilim baǵdarlamasy aıasynda joǵary bilikti mamandardy daıarlaıdy.
