Qazaqstandyq jas ǵalymdar tól jobalaryn kommertsııalandyrmaq
KÓKShETAÝ. QazAqparat - Elimizde tuńǵysh ret ótkizilip jatqan «Burabay Forum: Qazaqstan jáne Reseı yntymaqtastyǵy» atty jas ǵalymdardyń halyqaralyq forýmy Astana qalasynda bastalyp, Býrabaı aımaǵynda jalǵasty, dep habarlaıdy QazAqparat tilshisi.
Eki eldiń jas ǵalymdary bas qosqan mándi shara QR Tuńǵysh Prezıdenti qorynyń bastamasymen jáne L.Gýmılev atyndaǵy Eýrazııa ulttyq ýnıversıteti men Nazarbaev Ýnıversıtetiniń qoldaýymen uıymdastyryldy.
Ashylýy men plenarlyq májilisi Astanadaǵy «Nazarbaev Ortalyǵynda» ótken alqaly jıynǵa eki eldiń jas ǵalymdary qatysyp, transshekaralyq yntymaqtastyq máselelerin talqylady. Sondaı-aq olar forým aıasynda ǵylymı-teorııalyq ári tájirıbelik zertteýlerin júzege asyrýdyń joldaryn qarastyrdy. Jas ǵalymdar balamaly energııany, bıo jáne nanotehnologııalar salasyn damytý boıynsha ózderiniń jańalyqtaryn usyndy. Forýmǵa jınalǵan ǵalymdar memleketter shekarasynda uzaqmerzimdi ekonomıkalyq ósý ortalyqtaryn damytý qajet dep esepteıdi.
Tuńǵysh Prezıdent qorynyń janyndaǵy jas ǵalymdar keńesiniń tóraǵasy Mahmut Tomanov: «Biz bir orynda ornalasqan kóptegen reseılik jáne qazaqstandyq ınternet-dúkenderin biryńǵaı ınternet-alańyna shoǵyrlandyrǵymyz keledi. Ol reseılik, sondaı-aq qazaqstandyq óndirýshiler óz ónimderin bir jerde sata alady degen sóz», - deı kele, eki eldiń ǵalymdary birlese jumys istep, jańa tehnologııa tabý arqyly úlken kompanııalarmen jumys isteýge múmkindik alatynyn atap ótti.
«Máselen, bizdiń jas ǵalymdarymyz bıdaıdyń jańa surybyn daıyndady. ıAǵnı, Soltústik Qazaqstan oblysynan kelgen ǵalymdardyń biri óte qatty sýyqqa shydaıtyn bıdaıdyń túrin usynyp, ony aýyl sharýashylyǵy salasynda paıdalanýdyń joldary men tehnologııalaryn usyndy. Ony júıe retinde osyndaı forýmdar arqyly ashpasaq, eshkim kórmeıdi de, bilmeıdi de», - dep atap ótti ol.
Jas ǵalymdar eki elde oryn alyp jatqan ekonomıkalyq, ekologııalyq, bıologııalyq máselelerdi talqylaı kele, aýyl sharýashylyǵy salasynda egindi búldirip jatqan shegirtke sekildi jándiktermen kúresýdiń joldaryn anyqtap, olardy ýlaıtyn jańadan bıopestıtsıdterdi oılap tapqandyǵyn aıtty. Jándikterdi joıatyn atalmysh hımııalyq qosyndy Qazaqstanda da aýyl sharýashylyǵynda qoldanylyp, synaqtan ótkizilip, tekseriletin bolady.
Túrli sektsııalarda óz baǵyttary boıynsha ǵylymı baıandamalaryn jasap bolǵan soń jas ǵalymdar tabıǵat aıasynda ótkizilgen ulttyq ekonomıkalyq zertteýler bıýrosynyń dırektory Qasymhan Qaparovtyń trenıngine qatysty.
