Qazaqstandyq jas fýtbolshy Belarýs klýby sapynda alǵashqy golyn soqty

MINSK. QazAqparat - Qazaqstandyq fýtbolshy Aldaır Ádilov Belarýs klýby sapynda alǵashqy golyn soqty, dep habarlaıdy QazAqparat.

Sport jýrnalısi Aıdyn Qojahmetov Instagram paraqshasynda habarlaǵandaı, «Astana» klýbynda tálim alǵan sportshy jańa komandadaǵy alǵashqy qadamyn jasaǵan.

«Qazaqstandyq jartylaı qorǵaýshy Aldaır Ádilov Belarýs chempıonatyndaǵy rezerv komandalardyń oıynynda qarsylasynyń qaqpasyna gol saldy. Onyń «Energetık-BGÝ-2» komandasy «Belshına» fýtbol klýbyn 1:3 esebimen jeńdi. Aldaır oıynnyń 53-mınýtynda alańǵa shyǵyp, matchtyń negizgi ýaqytynyń aıaqtalýyna 6 mınýt qalǵanda gol soqty» dep jazady aqparat kózi.

Aıta keteıik, «Qaırattyń» tárbıelenýshisi Savelıı Glýzýnov ta «Belshına-2» quramynda 20 mınýtqa jýyq óner kórsetti. Biraq ol erekshe oıynymen kózge túse alǵan joq.