Qazaqstandyq jas dzıýdoshylar Eýropa kýbogynda alty medalǵa ıe boldy
NUR-SULTAN. QazAqparat - Aýstrııanyń Grats qalasynda jastar arasynda dzıýdodan ótken Eýropa kýbogynda qazaqstandyq dzıýdoshylar alty medal jeńip aldy, dep habarlaıdy QazAqparat tilshisi.
Ulttyq olımpıada komıtetinen málim etkenindeı, Qazaqstan jastar quramasy eki altyn, eki kúmis, eki qola júldege ıe boldy.
Jambyl oblysynyń ókili Nurqanat Serikbaev 60 kg, batysqazaqstandyq Nursultan Zaızaǵalıev 66 kg salmaqta qarsylastarynyń bárin tize búktirip, chempıon atandy. Mereı Marhanbetov 60 kg, qyzdar arasynda Aıda Toıshybekova 78 keliden astam salmaqta ekinshi orynǵa kóterildi. Sondaı-aq Maksım Meıirlan 81, Esmıgúl Kýıýlova 63 kg salmaqta úzdik úshtikke ilikti.
Jalpykomandalyq esepte Qazaqstan quramasy Japonııadan keıin ekinshi orynǵa shyqty.
Qazaqstandyq bozbalalardy Azamat Muqanov pen Aıbek Imashev jattyqtyrsa, qyzdardyń bapkerleri - Arsen Hatıp pen Nurbek Myqtybekov.
