Qazaqstandyq jas dzıýdoshylar Eýropa kýboginde kósh bastady
ALMATY. QazAzparat - Qazaqstannyń dzıýdodan jastar quramasy Eýropa kýboginde kósh bastady. Bul týraly Qazaqstan dzıýdo federatsııasynyń baspasóz qyzmeti málim etti, dep habarlaıdy QazAqparat tilshisi.
Federatsııanyń málimetinshe, 29-30 shilde kúnderi Germanııa astanasy Berlınde jastar arasyndaǵy Eýropa kýbogine dzıýdodan Qazaqstan jastar quramasy qatysty. Eki kúnge sozylǵan baıraqty básekede el quramasy 3 altyn, 5 kúmis jáne 2 qola júldemen jalpy medal kestesinde birinshi orynǵa turaqtady.
Týrnır jeńimpazdarynyń tizimi kelesideı:1-oryn: Aman Baqytjan (60 kg) – altyn,
1-oryn: Nursultan Zaızaǵalıev (66 kg) – altyn,
1-oryn: Maksım Meıirlan (81 kg) – altyn,
2- oryn: Nuraılym Sársenbek (48 kg) – kúmis,
2-oryn: Arýjan Erejepova (52 kg) – kúmis,
2-oryn: Jalǵas Haırýlla (81 kg) – kúmis,
2-oryn: Qudiret Dosymov (90 kg) – kúmis,
2-oryn: Karına Takıeva (+78 kg) – kúmis,
3-oryn: Janarys Rahmetqalı (66 kg) – qola,
3-oryn: Nurjan Bısenov (81 kg) – qola.
Aıta keteıik, Eýropa kýbogine barlyǵy 29 elden 300-ge jýyq jas tatamı sheberleri qatysty.
