Qazaqstandyq jas boksshylar Grýzııadaǵy týrnırden úsh altyn enshiledi

NUR-SULTAN. QazAqparat - Grýzııada bokstan álem jáne Eýropa chempıony Georgıı Kandelakıdiń júldesi úshin ótken jastar arasyndaǵy halyqaralyq týrnır aıaqtaldy. Atalǵan synǵa Qazaqstan, Grýzııa, Irlandııa, Túrkııa, Ázerbaıjan men Armenııadan júzge jýyq sportshy qatysty dep jazady Olympic.kz.

Qazaqstan atynan Mańǵystaý oblystyq boks mektebiniń bes sportshysy atalǵan týrnırde baq synady. Nurbek Orysbaev (60 keli), Nuras Jeńis (75 keli) jáne Abzal Quljan (91 keli) jarys jeńimpazy atanyp, altyn medal ıelendi. Al 49 kelidegi Jaram Qomshabaev pen 52 kelidegi Ataqonys Amangeldıevtiń enshisinde qola medal bar.

«Básekelestik joǵary bolǵanyna qaramastan, bizdiń boksshylar joǵary nátıje kórsetti. Jeńiske degen jigerleri muqalǵan joq», - deıdi bapker Jaras Qalymov.