Qazaqstandyq jas boksshy álemdik reıtıngte 17 saty joǵarylady

ASTANA. QazAqparat - Birinshi orta salmaqtaǵy qazaqstandyq boksshy Sadrıddın Ahmedov (6-0, 6 KO) kásibı mansabyndaǵy altynshy jeńisine qol jetkizip, tanymal Boxrec.com saıtyndaǵy reıtınginde óz ornyn jaqsartty, dep habarlaıdy Sports.kz.

Edmontondaǵy (Kanada) boks keshi aıasynda Ahmedov birinshi raýndta meksıkalyq Elıýd Melendes Rochýdi (14-11-2, 7 KO) nokaýtqa túsirdi. Bul jeńis Sadrıddınniń BoxRec reıtınginde 17 orynǵa kóterilýine múmkindik berdi - endi ol óz dıvızıonynda 162-oryndy ıelendi. Birinshi orta salmaqta onyń otandasy Madııar Ashkeev (10-0, 6 KO; 107-oryn) pen Nursultan Janǵabaev (5-0, 4 KO; 138-oryn) Ahmedovten joǵary orynda tur.