Qazaqstandyq jas aýyr atlet AQSh-taǵy álem chempıonatynda altyn medal aldy
ALMATY. QazAqparat - Amerıkanyń Las-Vegas qalasynda jasóspirimder arasynda aýyr atletıkadan Álem chempıonaty ótip jatyr, dep habarlaıdy QazAqparat tilshisi.
Chempıonattaǵy alǵashqy medaldy Qazaqstan quramasynyń qorjynyna 16 jastaǵy sportshy Saıramkez Aqmolda saldy. Almaty oblysynyń týmasy 61 kılogramǵa deıingi salmaq sanatynda altyn medaldy jeńip aldy. Ol ekisaıystyń qorytyndysy boıynsha 257 kg ziltemir kóterip (julqı kóterýde - 112 kg, serpe kóterýde - 145 kg), berilgen alty múmkindiktiń barlyǵyn utymdy paıdalandy. Ekinshi oryndy túrik sportshysy ıÝsýf Fehmı Gench - 254 kg (108+146) aldy, al úshinshi orynǵa vetnamdyq Dınh Sang Býı - 243 kg (113+130) turaqtady.
Aıta keteıik, 8 naýryzda bastalǵan jasóspirimder arasyndaǵy Álem chempıonaty 15 naýryzǵa deıin jalǵasady. Oǵan álemniń 50 elinen 13-17 jastar shamasyndaǵy 200-den astam atlet qatysýda. Qazaqstan quramasy osy dodaǵa 5 sportshysyn qosqan.
