Qazaqstandyq jankúıerler Ilıa Ilınniń ónerin tamashalaýǵa múmkindik alyp otyr
ASTANA. QazAqparat - Búgin Groznyı qalasynda bastalǵan Aýyr atletıka boıynsha Reseı Federatsııasy Prezıdentiniń Kýbogy úshin besinshi halyqaralyq týrnırdiń alǵashqy básekelerin «Qazsport» telearnasy tikeleı efırde kórsetedi dep kútilýde.
Atap aıtqanda, Astana ýaqyty boıynsha saǵat 17-00-de áıelder 75 kelige deıingi salmaq boıynsha kúsh synasady.
Al erler arasyndaǵy 105 kelige deıin salmaqtaǵy ziltemirshiler saǵat 23-35-te óz kúshterin pash etedi. Osy 105 kelige deıingi salmaq boıynsha Qazaqstannyń álemge áıgili sportshysy, Olımpıadanyń eki dúrkin, álemniń tórt márte jeńimpazy Ilıa Ilınniń qatysatyny sport súıer qaýymnyń asa úlken qyzyǵýshylyǵyn tanytyp otyr. Búgingi tańda barsha Qazaq eli Ilıanyń sátti óner kórsetýine tilekshi bolsa, sonymen qatar ózge elderde de osy bir daryndy sportshynyń jankúıerleri jyl sanap ósip keledi.
Reseı Prezıdentiniń kýbogy Groznyı qalasyndaǵy «Olımpıısk» sport kesheninde ótedi.
