Qazaqstandyq jańa mýlthıkaıa «Shrek» pen «Avatardy» jasaǵan tehnologııalar arqyly túsirildi
ASTANA. 15 qańtar. QazAqparat - Qazaqstandyq «Batyrlar» atty 3D anımatsııalyq mýlthıkaıasyn túsirý barysynda «Shrek» mýltfılmi men «Avatar» fılmine qoldanylǵan tehnologııa paıdalanyldy. Bul týraly búgin mýlthıkaıanyń tusaýkeserinde prodıýser Aınur Temirhanqyzy aıtty.
Mýlthıkaıany «Kazakhstan Computer Graphics» kompanııasy «Qazaqstan» korparatsııasynyń tapsyrysy boıynsha túsirgen. Aınur Temirhanqyzynyń aıtýynsha, «Motion Capture» tehnologııasy 3D anımatsııalyq fılmder jasaýda ýaqytty 10 esege deıin únemdeýge múmkindik beredi.
Týyndynyń sıýjeti HVII-XVIII ǵasyrlardy qamtıdy. Fılmde jońǵar shapqynshylyǵy kezinde-aq naızanyń ushymen, aq bilektiń kúshimen jaýǵa qarsy shapqan Shapyrashty Naýryzbaı, Qarakereı Qabanbaı, Qanjyǵaly Bógenbaı syndy batyrlardyń erlikteri baıandalady. Mýltfılm úsh bólimnen turady, ár bólim joǵaryda atalǵan batyrlardyń birine arnalǵan.
«Týyndyny jaryqqa shyǵarmas buryn kóptegen psıhologtar men tarıhshylardan keńes aldyq. Batyrlar týraly tarıhty barynsha shynaıy ári naqty dáleldermen berýge tyrystyq», - deıdi A. Temirhanqyzy.
Mýlthıkaıany kórermen jýyq arada «Balapan» jáne «Qazaqstan» telearnalarynan kóre alady.
