Qazaqstandyq jańa «Qyz joly» telehıkaıasy kórermenge usynylady
ASTANA. QazAqparat - 21 qazannan bastap «Habar» telearnasynan «Qyz joly» atty qazaq tilindegi jańa telehıkaıa kórermenge jol tartady, dep habarlaıdy khabar.kz.
Telehıkaıa jelisi mynadaı: Aqerke aýyldaǵy úıin satyp, qaladaǵy úlken ápkelerine keledi. Mine, osy sátten bastap olardyń ómirinde shym-shytyryq oqıǵalar kóbeıedi. Aldymen úlken ápkesi Gúlshattyń úıine kelip jaıǵasqan soń, onyń azamattyq nekedegi jary Sultanmen til tabysa almaıdy. Maıranyń da otbasy kóp balaly bolǵandyqtan, bir shańyraq astynda ómir súrý yńǵaısyz. Sonymen Aqerke jaldamaly páterge kóship, qalanyń tirshiligine sińisip ketedi.
Týyndynyń rejısseri: Asqar Bısembın. Basty rólderdi Aınur Babaeva, Baný Mankeeva, Baıan Qajnábıeva, Mahambet Myrza, Erkebulan Daıyrov, Gúlnar Jaqypova, Erbol Sadyrbaev, Janat Tinbaev syndy ártister somdaıdy.
