Qazaqstandyq Jan Kosobýtskıı «Anadoly arystanymen» jekpe-jekke shyǵady

NUR-SULTAN. QazAqparat – Eýropalyq boks odaǵy (EBU) qazaqstandyq Jan Kosobýtskıı (18-0, 17 KO) men túrkııalyq Ýmýt Djamkıran (18-0, 17 KO) arasynda uıymnyń aýyr salmaqtaǵy bos chempıon tıtýly úshin jekpe-jekke sanktsııa berdi, dep habarlaıdy QazAqparat Sports.kz-ke silteme jasap.

Uıymnyń resmı saıtynda habarlanǵandaı, mámile jasaýdyń sońǵy merzimi – 18 shilde, sodan keıin jekpe-jek promoýterlik saýdaǵa qoıylady. Boksshylardyń ótinishteri Keńestiń Rımdegi (Italııa) shtab-páterine tapsyrylýy tıis.

Mamyrdyń 21-nen 22-sine qaraǵan túni Gambýrgte (Germanııa) Kosobýtskıı frantsýz boksshysy Joan Dıýopty (39-7, 26 KO) jeńip, WBC International tujyrymy boıynsha aýyr salmaqtaǵy chempıondyq ataǵyn jeńip alǵan bolatyn. Al, Djamkıranǵa keletin bolsaq, «Anadoly arystany» sońǵy ret 14 mamyrda Germanııanyń Magdebýrg qalasynda rıngke shyǵyp, tórtinshi raýndta cheh Lýkas Vakkerdi (3-2, 2 KO) nokaýtqa jibergen edi.

Foto: sports.kz