Qazaqstandyq jaǵajaı voleıbolshylarynyń Indonezııadaǵy Batam Oýpen týrnıriniń shırek fınalyna shyǵýǵa múmkindigi bar
ALMATY. 22 sáýir. QazAqparat /Erlik Erjanuly/ - Indonezııada jaǵajaı voleıbolynan 2-Azııalyq týr ótip jatyr.
«Batam oýpen» dep atalatyn bul dúbirli dodada búgin shırek fınalǵa joldama alatyn komandalar anyqtalady. Keshe 1/8 fınaldyq alǵashqy oıynda áıelder arasyndaǵy synda Tatıana Mashkova men Irına Tsımbalovanyń jubynan qurylǵan «Qazaqstan-1» komandasy jańa zelandııalyqtardy 2:0 esebimen utty. Baqtygúl Samalyqova men Marına Pılıpenko jubynan turatyn «Qazaqstan-2 komandasy bolsa taılandtyqtarǵa dál osyndaı eseppen ese jiberdi. Al erler arasyndaǵy saıysta Aleksandr Dıachenko men Alekseı Sıdorenko («Qazaqstan-1») ındonezııalyqtardy (2:0) utsa, Dmıtrıı ıAkovlev pen Alekseı Kýleshov («Qazaqstan-2») qytaılyqtardan 2:1 esebimen basym tústi. Júlde qory 15 myń AQSh dollaryn quraıtyn bul jarys sáýirdiń 21-i kúni jalaýyn kótergen edi. Endi erteń, shırek, jartylaı jáne aqtyq fınaldyq oıyndar ótedi.
