Qazaqstandyq jaǵajaı voleıbolshylary Úndistandaǵy Chennaı Chellendjer týrynyń shırek fınaldyq joldamasyn sarapqa salýda
ALMATY. Qazannyń 1-i. QazAqparat /Erlik Erjanuly/ - Jaǵajaı voleıbolynan Úndistannyń Chennaı qalalasynda ótip jatqan Chennaı Chellendjer týrynda qazaqstandyqtar búgin nemis qyzdarymen synǵa túsýde,
dep habarlaıdy QazAqparat QR Voleıbol federatsııasyna silteme jasap.
Qyrkúıektiń 29-y kúni jalaýyn kótergen bul jarysta el namysyn 2 jup qorǵaǵan bolatyn. Inna Rahmatýlına men Lıýdmıla Isaevanyń alǵashqy saıysta Malaızııa sportshylaryna 1:2 esebimen utylyp, jarys jolynan shyǵyp qalǵan edi. Tatıana Mashkova men Irına Tsımbalova úsh kezdesýde de qarsylastarynan mereıi ústem shyqty. Olar birinshi oıynda nıderlandııalyqtardy 2:0 (23:21, 21:11) utyp, odan keıin AQSh-tyń eki birdeı jubyn 2:1 (21:16, 18:21, 15:10) jáne 2:0 (21:19, 21:17) etip jeńip shırek fınalǵa bir taban jaqyndaǵan bolatyn. Búgin olar endi sheshýshi synda nemis qyzdarymen synǵa túsýde.
