Qazaqstandyq jaǵajaı voleıbolshylary Taılandtaǵy týrnırdi sátti bastady
ALMATY. 9 sáýir. QazAqparat - Búgin Taılandtyń Nahon Shı Tamarat qalasynda Azııa týrynyń kezeńderiniń biri bolyp tabylatyn IV «Hanom Oýpen» («Khanom Open») týrnıri bastaldy.
Beısenbige deıin sozylatyn bul baıraqty básekede el namysyn erler arasynda Alekseı Sıdorenko men Aleksandr Dıachenko, Dmıtrıı ıAkovlev pen Alekseı Kýleshov, áıelder arasynda Tatıana Mashkova men Irına Tsımbalova, Baqtygúl Samalyqova men Lıýbov Bogatý qorǵaýda. Alǵashqy kezdesýde Denıs Rovkın jattyqtyratyn ulttyq quramadaǵy «Qazaqstan-1» juby japondyqtardy 2:0 (21:14,21:18) esebimen tize búktirdi. Al Vasılıı Kýshtalov baptaıtyn áıelder quramasynyń «Qazaqstan-2» juby jarys qojaıyndarynan 2:1 (21-18, 19-21, 16-14) esebimen basym tústi.
Byltyr bul jarysta qazaqstandyq jigitter 1-2 oryndardy ózara bólisken bolatyn. Al áıelder arasynda «Qazaqstan-1» juby aqtyq synda jarys qojaıyndaryna ese jiberip, ekinshi oryndy qanaǵat tutty.
