Qazaqstandyq jaǵajaı voleıbolshylary Taılandtaǵy «Samıla Oýpen» Azııalyq týrynyń kúmis júldegerleri atandy
ALMATY. 17 sáýir. QazAqparat - Taılandtyń Songhla qalasynda 14-16 sáýir kúnderi jaǵajaı voleıbolynan «Samıla Oýpen» Azııalyq týry ótti.
Oǵan erler arasynda 29, áıelder arasynda 20 komanda qatysqan bolatyn. Bul synda el namysyn erler arasynda da, áıelder arasynda da «Qazaqstan-1», «Qazaqstan-2» komandalary qorǵady. Onda aqtyq synǵa deıin súrinbeı jetken Alekseı Sıdorenko men Aleksandr Dıachenko, Tatıana Mashkova men Irına Tsımbalovanyń juptary tek jarys qojaıyndaryna ǵana ese jiberip, kúmis júldeni qanaǵat tutty. Al «Qazaqstan-2» komandasyndaǵy Dmıtrıı ıAchkovlev pen Alekseı Kýleshov 1/8 fınalda jańa zelandııalyqtarǵa utyldy. Baqtygúl Samalıkova men Lıýbov Bogatý bolsa ¼ fınalda 5-7 orynǵa bolǵan synda japon qyzdaryna ese jiberdi.
Endi A. Sıdorenko men A. Dıachenko juby 24-29 sáýir kúnderi Álemdik týrdyń Polshadaǵy kezeńdik saıysyna qatyspaqshy. Olar Azııalyq týrdaǵy sátti óneri arqyly Álemdik týrdy irikteýsiz birden negizgi kesteden bastaýǵa múmkindik alyp otyr.
