Qazaqstandyq jaǵajaı voleıbolshylary Taılandtaǵy Azııalyq týrdy sátti bastady
ALMATY. 11 sáýir. QazAqparat /Erlik Erjanuly/ - Keshe Taılandtyń Songhla qalasynda jaǵajaı voleıbolynan Azııalyq týr bastaldy. Oǵan 13 elden 24 er jáne 23 áıelder juby qatysýda.
Júlde qory 30 myń AQSh dollaryn quraıtyn bul baıraqty báseekede el namysyn erler men áıelder arasynda eki-ekiden 4 jup qorǵap jatyr. Olardyń tórteýi de alǵashqy jarys kúnin sátti ótkizdi. Máselen, ótken jylǵy týrnırde qola júldeger atanǵan Tatıana Mashkova men Irına Tsımbalova jańazelandııalyq qarsylastaryn 21:9, 21:6 esebimen utty. Olardyń komandalas serikteri Baqytgúl Samalyqova men Marına Pılıpenko bolsa malaızııalyqtardy (21:16, 27:25) tize búktirdi. Al Aleksandr Dıachenko men Alekseı Sıdorenko gonkongtyqtardy (21:14, 21:8), Dmıtrıı ıAkovlev pen Alekseı Kýleshov vetnamdyqtardan (21:18, 21:13) 2:0 esebimen basym tústi. Búgin Tatıana men Irına avstralııalyq, Baqytgúl men Marına vetnamdyq, Aleksandr men Andreı ındonezııalyq, Dmıtrıı men Alekseı ırandyq sportshylarymen bsekege túsedi.
