Qazaqstandyq jaǵajaı voleıbolshylary stýdenttik komandalar arasyndaǵy Azııa chempıonatynyń fınaldyq kezeńderinde óner kórsetýde
ALMATY. 30 qarasha. QazAqparat - Qazaqstandyq jaǵajaı voleıbolshylary Taılandta stýdenttik komandalar arasyndaǵy Azııa chempıonatynyń jartylaı fınaldyq oıyndarynda alań qojaıyndarymen baq talastyrýda. 27 qarasha kúni bastalǵan bul baıraqty básekeniń jeńimpazdary búgin anyqtalady.
Baqtygúl Samalıkova men Lıýbov Bogatý buǵan deıin toptyq kezeńde qyrǵyzstandyqtar men gonkongtyqtardy 2:0, taılandyqtardy 2:1 esebimen jeńgen bolatyn. Keshe shırek fınalda fıllıpındikterden 2:0 esebimen basym túsken olar endi jartylaı fınalda taılandyqtardyń 1-shi nómirli jubymen aqtyq fınaldyń joldamasyn sarapqa salýda. Jalpy Azııa chempıonatyna bıyl 12 elden 19 jup qatysqan bolatyn.
