Qazaqstandyq jaǵajaı voleıbolshylary Shanhaıdaǵy "Grand Slema" kezeńinde qorjynyn 160 upaıǵa tolyqtyrdy
ALMATY. 8 mamyr. QazAqparat - Qytaıdyń Shanhaı qalasynda 1-6 mamyr kúnderi jaǵajaı voleıbolynan «Grand Slema» kezeńi ótti.
Onda Alekseı Sıdorenko men Aleksandr Dıachenko 17 oryn alyp, óz qorjyndaryn 160 upaıǵa tolyqtyra aldy. Olar jarystyń negizgi kezeńiniń 1-raýndynda ıtalıandyq Nıkolaı men Lýpo jubyna 2:0 (21-15, 21-11) bop utyldy. Onyń aldynda toptyq kezeńde avstrııalyq Hýber men Seıdı jubyn 2:0 (21-10, 23-21) jáne amerıkandyq Fýerbrınnger men Lýsenany 2:1 (21-19, 18-21, 18-16) esebimen utty. Al Dmıtrıı ıAkovlev pen Alekseı Kýleshov alǵashqy dárejelik raýndta avstrııalyq Hýgh pen Slaktan 2:0 (22-20, 21-13) bop utyldy. Sonyń nátıjesinde 41-oryndy qanaǵat tutyp, 24 reıtıngtik upaı jınady. Endi qazaqstandyq sportshylar erteń Beıjińde jalaýyn kóteretin kelesi «Grand Slema» kezeńinde baq synamaq. Odan keıin 18-20 mamyrda elimizdiń Aqtaý qalasynda ótetin «Actau Invitation» Azııalyq týryna qatysady.
